සැ.යු. - මෙම ලිපිය මා පළකරන්නේ ඉංජිනේරු නදීර විජේසිංහ විසින් ශ්‍රි ලංකා ඉංජිනේරු ආයතනය සතු ඉංජිනියරින් නිවුස් සඟරාවේ දෙසැම්බර් / ජනවාරි කලාපයේ පලකර තිබු ලිපියත්, එහි කරුණක් නිවැරදි කර මා විසින් එම සඟරාවේ අප්‍රේල් / මැයි කලාපයේ පලකළ පිළිතුරු ලිපිය යන ලිපි සබැඳිව හා එම මගේ උක්ත ලිපියට පිළිතුරු වශයෙන් එහි ම ජූනි / ජූලි කලාපයේ ඉංජිනේරු නදීර විසින් පළකරන ලද ලිපියේ අන්තර්ගතයට පිළිතුරු වශයෙනි.

මා විසින් අප්‍රේල් / මැයි කලාපයේ පළකල ලිපිය රාජකාරි මට්ටමින් සහ ආයතනය නියෝජනය කරමින් පළකල නමුත්, මෙම පිලිතුර හෝ එහි අන්තර්ගතය තුල අඩංගු සමහර කරුණු හුදෙක්ම මගේ පුද්ගලික මතවාද නියෝජනය කරන බවත්, මා රාජකාරි කරන ආයතනයේ මතවාදයන් නිරූපණය නොකරන බවත් සියළුම පාඨකයන්ගේ අවධානයට කාරුණිකව දන්වා සිටිමි.

මම ඔබගේ blog පාඨකයෙකු නොවෙමි. ශ්‍රි ලංකා ඉංජිනියරින් නිවුස් නැමති ඉංජිනේරු ආයතනය සතු ප්‍රකාශනයේ ඔබගේ නමින් පළවී තිබු ලිපියක් මගේ මිත්‍රයෙකු හරහා මගේ අවධානයට ලක්වී එහි ඇති සාවද්‍ය තොරතුරු නිවැරදි කීරීම මගේ පළමු ලිපියේ පරමාර්ථය විය.

ඔබගේ නමින් පලවු ලිපියේ මතෘකා පාඨය ඔබ නොදන්නා බව පෙනී යන මුත් ඒ ගැන තර්ක කිරීම මගේ අරමුණක් නොවේ. තවද ඔබ විසින් SLEN සඟරාවේ පල කර ඇති ලිපියේ ශීර්ෂ පාඨයවත් කියවා බලා නැති බව ප්‍රසිද්ධ මාධ්‍යයේම ප්‍රදර්ශනය කිරීම ඔබගේ පාඨකයන් ඇතුළු සියළුම පාඨකයන්ගේ විමතියට හා ඔබ ඉතා නිවැරදිවම දක්වා ඇති පරිදි ඔවුන්ගේ රස වින්දනයටද හේතුවනු නිසැකය. ඔබගේ blog ලෝකයෙන් මිදී අදාල පුවත් පත් පිටුව කියවා බලන මෙන් කාරුණිකව ඉල්ලා සිටිමි.

මගේ ලිපියේ පරමාර්ථය එහි අවසාන ජේදයේ පැහැදිලිවම දක්වා ඇති බැවින් සිංහල බස තේරෙන ඕනෑම කෙනෙකුට එය කියවා අවබෝධ කරගත හැකි යයි සිතමි.

තවද මා ඔබට පැවසිය යුතු අන් යමක් ඇත. ඔබ මීට වඩා සංයමයකින්, විචාරයකින් හා සංවාදයේ රීති ගරු කරමින් ප්‍රසිද්ධ මාධ්‍යට අදහස් දක්වන්නේ නම් වඩා උචිත බව මගේ හැඟීමයි.